u lamentu di u Skeubeu

per quelli chi toccanu a guitarra, ariu di "u lamentu di u trenu"

La min, La min, La min, La min, Ré min, La min, Mi min. La min

Citation :

Questa squadra di Bastia,
Un ci arrica chi pinseri
Pienghjenu l’accaniti
E ridenu l’astori..
Per noi e vecchji sustegni
Sonu affani è crepacori.

Babbu Natale , ô gran’ vichjone
Pensatu n’aghju una cosa,
Quandu t’affacarai a furtachjone,
Portami una mitragliosa,
Chi certi chi me rompenu e cuglione
l’aghju da mette a l’arritrosa

Ci vogliu piazzà una mina,
In li scagni di Furiani,
Per fà sorte la rimigna
Chi ci a purtatu li malanni
Anu ruvinatu la sperenza,
Induve anu postu li mani


Di quelli chi so nantu li prati,
U megliu è di un parlane..
Ghjucatore nustrale o cumprati,
So tutti belli manghjapane
E per falli piglià u batellu,
Eiu n’aspettaria a dumane !

Ch’ellu s’impruniscenu le so porte
A tutti st’andacciani,
ben chi nostre sperenze sianu morte,
fanu sempre i vantacciani.
Ci anu da fallà i calci in culu
In vece di sciaccamani

A’ chi a ruvinatu a Bastia
Hè statu una brutta ghigna.
Li ghjunga u filosserà
Cum’ell’hè ghjuntu à la vigna,
chi li caschinu li capelli
Incù la più forte tigna

Ô Bastia, tintu Bastia.
Mi pari bellu muribondu
Tutte ste zecche azzingate
T’anu viuttatu da cima in fondu.
ma a l’ora di fà li conti,
un ci sera nimu a lu circondu.

E a fine di l’avventura
Chi oghje lu chjoccu si sente
E Bastia chi omu s’intarra
Senza gloria e tristamente
A vedeci anima turchina
Ci firmanu l ‘occhji per pienghje.

dopu u lamentu di l orsu
eccellente!!!!

l aghju messu nanta un foru parlendu di u Sporting, mà vistu e reazione...
ci vulerebbe a fà a traduzione o chè?

aghju vistu e mi so fattu a listessa riflessione.
U SCB è mortu o in tracce di more, a cosa è sicura ma l'interessu pa a lingua..
Mi campu, manera di parlà, chi vecu assai scritti chi trattanu di puliticha ma a cultura nustrale, si n'impippa omu.

u megliu è di lascià corre, eiu scrivu per fà prugressi e s'ellu piace a qualchisia tantu megliu. Quelli chi un volenu leghje chi u corsu un ne anu primura, tantu peghju per elli.

daveru scunsulante o Anto, parlanu di pulitica a ghjuranata sana, di u restu di mondu, anu vistu tuttu, tuttu fattu....
hai vistu a sezzio cultura? cu MM vuliamu fa rinasce sta sezzio, aghju fattu un ghjocu cu e legende, avia circatu nanta i mo libri è nanta u web per fà qualcosa di bè, aghju fattu a traduzione dino, mà aghju avutu l impressionne di piscià in viulinu.....
oghje MM insiste per campà sta sezzio, ma mi pare chi perde u so tempu.....è u savone!

Un mi pare micca di fà tanti sforzi...lasciu corre anch'eiu e provu di fà un libru da qui à 2 o 3 anni

e cusi chi ci vole a pigliala. A mè mi piace di scrive. Per u restu, chi ci possu fà? Nulla.

Bellu bellu stu lamentu in una lingua ricca assai (cum'è sempre) !
Aghju ghjustu qualche quistione chì ùn aghju micca capitu tuttu :

Citation :

Pienghjenu l’accaniti
E ridenu l’astori..

Chì vole dì "l'astori" ?

Citation :

Sonu affani è crepacori.

Ancu què, ùn lu capiscu micca (fora di "crepacori" crèves-coeurs...)

Citation :

...Li ghjunga u filosserà

"filosserà" ? sarà una malatia, ma ùn sò micca quale...


Eccu, è senza vulè passà pè un rompistacche, aghju un astra quistione :
Mi dumandu perchè chè t'ùn adopri micca l'ortografia "oghjinca", per ciò chì tocca à l'accenti per undettu ?

astori: cume vulia una rima incu "pastori" per stà vicinu di a canzone uriginale, so andatu a circa sta parolla poca aduprata chi vole di "vautour"

affani e crepacori: ste parolle so indè u lamentu di u trenu e l'aghju tenute. Ai raggio per crepacori chi è "un crève coeur", l'affani so cose chi arrecanu a tristezza "malheurs"

filossera: torna una altra parolla di u lamentu. U philloxera...ch'elli temenu tantu i vignaghjoli

l'accenti? Umbeh, aghju sempre scrittu cusi e postu a mo eta, l'affari oghjinchi pocu mi ghjovenu chi so a l'anticognu
Ma un vale!! U tuttu è d'esse capitu.
Forse chi s'avia passatu u corsu a u basciglie, mi seria sciaccatu un bellu zeru

Ti ringraziu per sti precizioni.

è sicura ch'è tù si capitu, ghjèra ghjustu per sapè ch'o facia a dumanda
E po ùn pensu micca ch'elli t'avarebbinu fattu cagà per qualc'accenti scurdati à u bac

Tremendu !!

Ci vogliu piazzà una mina,
In li scagni di Furiani,
Per fà sorte la rimigna
Chi ci a purtatu li malanni
Anu ruvinatu la sperenza,
Induve anu postu li mani

Ai raggio, tecnimamente è u megliu. E forse puliticamente dino