u lamentu di l'orsu

In li tempi maravigliosi
Di a mo dolce ghjuventu
Eramu una banda d’orsi
Rinumata da inghjo in su

Di a corsica suttana,
Eramu puru i patrone
Ninsunu entria in nostra tana
Senza pigliassi duie pattone.

Ma una sera di dulore,
S’è affacatu un lione..
turchinu era u so culore
E sè impatrunitu u rughjone

Avemu chjamatu a la mossa
I partigiani suttanacci
Chi di a bandera bianca e rossa
Ne vulianu fà straccii..

In Timizollu, in fattu fine
Ci simu trovi in cumpania
Ma era di e bande turchine
Chi u rimore si sintia !

Ma annant’ u nostr’erbaghju.
A vittoria ci paria sicura
Chi a pela zeppa chi aghju
Di a dente leunina un a primura !

Ô Mandrighi, ô Scarpelli,
Fate vede a i bastiacci,
Di l’orsu i colpi i piu belli,

Ô Roux u nostru bardianu
Sia tranquillu
Sta puru serenu…

Ma chi si passa, chi cosa ci è ?
Née un piu anzianu
Un ci a sciacattu e bellu bè !

Cum’ella è dura a scunfitta
Tint’orsu chi cusi bella si vidia !
A bandera di u lione è arrita
L’ingeniu era in Bastia..

Ahé, ben ch’ella mi rompi li cuglione
A vi dicu capibassu
Chi a squadra di u lione
Ci a datu una lezzione…

Orsu so e orsu restu..
E pienghje tocca mè.
Chi u lione prestu prestu
A mostratu ch’ellu è sempre rè !

Bellu lamentu !

l'aghju messu in ogni locu per vede si qualchisia ne avia primura di un testu a l'usu macagna scrittu in lingua corsa. una risposta qui, una nant'a Ave Bastia, a toia per Camperemu e tirati l'usciu...
quant' a mè, quandu vedenu chi qualcosa e scrittu in corsu a appena longu, manu un le leghjenu for di Prunelli o duie o tre altri.

.

Una puesia o un scrittu un chjamanu risposta, d'accordu ma un n'è micca solamente per st'affaru qui, ma per tutti i sughjetti qui so scritti in corsu.

L'aghju lettu stu testu (cum'è tutti i testi scritti in corsu ch'o vecu nant'à i fori) cusì maliziosu Ma ùn mi paria indispensevule di risponde, postu chì cum'è l'hà detta Sittembre, stu speziu di scritti ùn chjamanu risposta.
Ùn sia micca azezu, è pè piacè, cuntinueghja à scrive cusì chì, sò i mo sciali sti testi (è mi pare ch'ùn sò micca u solu) !

è pò tuttu u mondu a sà chì u francese ghjè l'avvene :

U mo figliolu hè ghjuntu da Francia
è li linzoli li chjama "les draps",
è le calzette le chjama "les bas".
U mo figliolu quant'ellu ne sà!

Per ellu ùn ci hè nè filetta nè scopa,
nè sbarca in Corsica più baccalà.
"Fougère, bruyère, moure, et volià".
U mo figliolu quant'ellu ne sà!

S'omu ùn capisce issi nomi alla prima
vi dice "voyons" vi face "oh là là"
è centu volte ripete "n'est-ce pas?"
U mo figliolu quant'ellu ne sà!

U mo figliolu cum'ellu hè struitu
è v'addiletta à sente sfrancisà.
Gendarmi è merri ùn ci ponu luttà.
U mo figliolu quant'ellu ne sà!

vecchja canzone chi aghju sempre entesu.
Per di cio chi pensu, è una campa di cunosce duie lingue. In piu, quelli chi quante mè, anu amparatu u corsu senza strazià, chi si parlava in casa, anu avutu l'arrechje aperte e amparà altri idiomi per elli è piu faciule.
A lezione di questa canzone è simplice. U francese e u corsu so pari pari. Unu un supraneghja micca a l'altru! Quandu si po omu, ci vole a parlà corsu sopra tuttu in paese. A quelli chi li pare chi u francese è piu bellu, so sumere.
U tipu di a canzone chi parla corsu a a so mamma, per fà u fieru un a capitu nulla.

Què hè sicura, a sapemu tutti chì u bislinguisimu ghjè una richezza, è chì, quandu si parla duie lingue, s'amparanu più facilmente l'astre lingue...

(li parla in francese u figliolu sapientone micca in corsu )

m'aghju sminticatu u "un parla corsu"

.

e ci vole a cumincia a bon'ora. A i corsi di musica, u prufessore ci a spiecatu chi i zitelli di tre a sei anni avianu "l'oreille absolue". Dopu è troppu tardi.

.

eccu! E è qualcosa chi un possu capisce. A sapete chi u corsu, l'aghju amparatu in Tullo chi Mamma e Babbu u parlavanu naturalmente Ma u peghju è chi quandu ghjunghjia in paese, un lu sintia piu. Li paria a li paesani di rendeci un serviziu parlandu francese. Micca i vecchji chi elli un francese un lu maneghjavanu.
U pechju è ava. Mi cansu apposta in certe case induve soc ch'elli so personne forte e capace di amparami cose nove....e ci vole a dumandà e dumandà torna ch'elle parlessinu corsu.
A scola un cambiara nulla chi ghjunghje troppu tardi o allora cume tu dici, l'ampararanu quante l'inglese o u tedescu.
E quantunque cosa strania di vede perdesi u corsu in tarra soia!
M'arricordu di stu vecchju affissu "ô Ma parlami corsu" e mi pare ch'ellu sia sempre d'attualità

Ci vuelerebbe à dumandà dinu...""Pinsate o micca chi i genitori facenu cio chi ci vole?""

A mo figliana di 5 anni un vole mancu amparà cun mè,hè vergugnosa di parlà e sente una parolla in Corsu

Eppo u so babbu mi parla a ghjurnata sana de "ces français de merde"...

Certe volte mi dumandu cio ch'avemu indè u ciarbellu. Indè mè, affaru di generazione, i mo parenti (genitori un mi piace ) si sintianu francesi per cio chi tuccava a l'administrazione, ma indè a so pratica, eranu sempre guidati per i valori corsi. Ma si po di chi era naturale chi eranu stati allevati in paese, ciuffati indè quella cultura. Eranu corsi e corsisti cusi senza riflette a a significazione puliticha di sta manera di campà.
Ava mi pare, chi a nostra cultura piu si ne parla e piu si ne more!
Cumu possu di cio chi pensu..un n'è cusi faciule..
Aghju da pruvà quantunque.
Per fà a demunstrazione di a so "corsitudine" u piu logicu e di parlà a lingua, di scrive, di cantà e d'amparà per sè e d'amparà a l'altri.
Ma questa via è cumplicata e dumanda assai travagliu. E un pocu d'intelligenza dino.
Per sti paesi, u meiu di sicuru e forse i vostri, vecu assai ghjente chi anu fattu un altra scelta. A cultura s'in impipannu, a lingua un la volenu amparà e u pocu ch'elli cunoscenu u si lascenu spenghje. E par fà vede ch'elli so quantunque corsi, a ancu piu chi l'altri, sta vulintà ch'ellu un mettenu micca indè l'amparera, a sciaccanu indè i so discorsi. E cusi chi indè e nostre famiglie, i nostri paesani avemu certi arrabiati chi parlenu francese, manghjanu francese e pensanu in francese e a tempu, ghjastemanu a Francia. E a son manera di fa a provà ch'elli so corsi.
Farianu megliu di travaglià appena per a difesa di a cultura e di lingua chi smarisce pianu pianu. Piu se ne parla e piu smarisce

Ghjè cum'è Mc Cain