Burla

Un turistu persu dappoi qualchi ghjorni in muntagna, mezzu mortu di fame e di sete, è ricossu da un paesanu chi u cura, u face manghjà e beie e u rimette in forma. Quellu turistu passa una settimana a rinfiatassi. Prima di parte e di piglià torna a so strada, face a quellu chi l'avia salvatu "Vi devu a salute e ancu puru a vita e vi vogliu ringrazzià. Ma un n'aghju nulla. Allora, vi aghju da amparà u mo sicretu, vi aghju da amparà u parlatu di l'animali chi eiu so capace di chjachjarà incu tutte e criature chi Diu a messu qui, nant'a sta terra!"
U paesanu un lu vulia crede e si dicia chi u sole avia fattu belli divasti indè u ciarbellu di u so invitatu. Ma per un cuntrarialu, l'a lasciatu fà.
Tandu, u turistu s'avvicina di una ghjallina e li face "allora a chi simu ô ghjallina"
"Eh, cume i vecchji " li risponde l'acellu
"e qui, in pulinaghju cume la si passa?" ripiglia u tipu
" seria u paradisu chi un ci manca nulla, ma u patrone ci arruba l'ovi e un ci lascia nulla da covà"
U paesanu, bocca aperta un dicia piu nulla chi li paria di vede qualchi miraculu.
U turistu face tandu motu a una vacca chi si ne stava manghjendu vicinu a a casa.
"allora, amica vacca, a vi scialate?"
" iè a ci scialemu, ma seria megliu chi u paesanu ci lasci un pocu di latte chi si piglia tuttu e un ne aghju piu abbastanza per u mo tintu vitellu!"

U paesanu, era meravigliatu e un pudia crede chi u turistu sapia parlà incu l'animali. Manera di fà a prova ultima di u so sapè, l'omu chjama a capre chi girava l'ortu per fà duie chjachjare incun'ella.
Quandu u paesanu vede chi a sciocca era pronta a discore, face subitu
"ahou, fate u piacè un parlate micca incu sta capra chi è una bugiarda"

povera capra!

quandu pensu ch inde mè, in Saint martin (micca in Prunelli hein!) anu pigliatu un scemu chi scuzzulava e vacche!
un facianu piu u latte, è un hè micca una burla!