Per Antone...

http://foru-corsu.forumactif.com/ftopic505.Paghjella.htm

Forse chi poi fà paghjelle ancu tu

E tamantu miraculu
Di leghje st’invitazione !
Pare chi in stu cenaculu
Ci sia statu una mutazione

Quelli chi ind’i tempi,
Eranu ancu rilampati
Ava un so piu nimichi
E ancu puru accittati.

Chi a causa l’avianu criticata
Li so fallate e bastunate.
A so malfatta fu palisata
E a sbandimentu cundannati.

Ô Pampasgiolu, vi mancaranu
Pueti e impruvisatori
Per vene quante un mattaranu
A circà l’antichi tradittori ?

A mo voce e i mo versi
Li tengu strinti in lu mo core
Chi certi spripositi belli merzi
M’anu puru intaccatu l’onore..

A mo penna in lu calamaru
L’aghju da lascià in riposu
Chi u mo cantu seria tropp’amaru
E li mo versi dulurosi.

Citation :

Chi certi spripositi belli merzi
M’anu puru intaccatu l’onore..

A mo mimoria hè cusi chjuca
Un mi vene à mente piu nunda
ma se tu voli bè per pietà
aiutàmmi appena à ritruvàlla !!

Pampasgiolu sia tranquillu
chi a tè un tocca nulla..
suttanacciu fu lu strillu
chi mi tucco chi un n'era burla!

PS: un ci vole micca piglià tuttu a u seriu ô Pampasgiullelu...u cantu è una manera d'attaccassi a l'antica