Memoria...

SCORSA LA VITA

Hè natu un fiore ghjallu
In chjosu di virdura
È nisun'ùn hà primura
D'innuchjallu.
Hè natu un pesciu è pare
Culuritu di gioia
Caccia l'acqua la noia
Di u mare.
Scorsa la to vita
Cum'è u ventu
Si n'hè sparita
Si n'hè finita
Hè firmatu spaventu
È la mio vita.
Hè natu angusciosu
Dubitu in la mio mente
Chì st'anima ùn risente
Riposu.
Hè natu un pecurellu
Ind'è l'altu pascile
Vicinu à un fucile
D'un pasturellu.
Sò nati centu zitelli
À tempu à lu veranu
Ma di a so vita elli
Chì feranu ?
Scorsa la to vita
Cum'è u ventu
Si n'hè sparita
Si n'hè finita
Hè firmatu spaventu
È la mio vita, ferita.

CANTU PA UN ADDIU


À tè chì u tempu tradisci
À u ventu di l'anni
Quantu fiumi raghjoni
Sò andati à u mari

À tè l'ultimu ghjornu
U to pinseru mutu
Di ciò chì fù amori
Mori com'è un fiori

À tè u celi grisgiu
D'un addiu senza ritornu à tè

À tè notti amara
È chì faci silenziu
Com'è una prisenza
Ch'un hà alcun sensu

À tè gattiva miseria
Ind'è e case triste
Un pezzu di tarra à u soli
Di pani à suminà

À tè immensita
Di la vita tradita à tè

À tè a dulci staghjona
Di issu mondu lighjeru
U to teneru cantu
Fighja l’alba matura

À tè u lindumani
Di li cunfini più chjari
È issa verità chi nasci
In cori di i to mani

À tè libartà
Di l’idea carizzata, à tè...