In Borgu,un ci era tantu ventu eri,ma quantunque c'eranu l'acelli,chi si campavanu incu u sole chi caldava e so ale;mentre chi si basgiavanu incu i so bizzichi neri,rossi o gialli...
Po ghjunsenu i nivuli,da bianchi prima,diventenu grisgi po neri...po piuvia e l'acellu intimuriti e crosci cum'è piulelli circavanu un agrottu e si mittiani nantu à u balcone...
Eiu,arrabiatu d'un pudè travaglià i u me ortu e d'un pudè taglià u legnu per accende un focu di quelli chi facenu pro à i pedi infrituliti,pigliava u me fucile,e senza sape perché,tirava nantu à tutti st'acellucci chi cantavanu vicini à a me stanza..
Unu,po dui po sei,un veru scempiu...i bizzichi si staccavanu di i picculi capi sanguinosi e cascavanu à mezzu à e furmicule chi principiavanu un pranzu tamantu...Pensu d'avè stirpatu duie o tre famiglie di cantadori,forse chi a matina,durmeraghju a pena megliu...
Dopu,u ventu ghjunse anch'ellu,fendu scappà i nivuli e dendu a piazza à u sole...e penne di l'acelli giravanu incu l'aiutu di u ventu tra i raggi di u sole,fendu un ispictaculu tremendu...