canzona...

TERRA BRUSGIATA

Quantu n'aghju vistu soli
Sprichjà daret'à i monti
In li tempi più landani
Cusì dolce quelle stonde.

Quantu n'aghju parturitu
Allegria è cuntintezza
Sfilavanu tandu l'ore
Senza cunnosce amarezza.

Quantu n'aghju datu latte
À tanti figlioli amati
Chì cù falgione è rustaghja
Allisciavanu li prati.

Quantu n'aghju intesu canti
Rifugi di tante sete
Virdura di castagneti
Aliveti è aranceti.

Oghje sò terra brusgiata
Negra di guai è tristezza
Ùn sò più la terra antica
Mamma di tante billezze.

Cagione di'ssu scumpientu
Sò l'omi ch'anu pinsatu
À ferì li mio rughjoni
Cù lu focu arrabiatu.

Viutendu pieve è paesi
Di li so bracci più forti
L'omi di male anu compiu
Cusì la tragica sorte.

Ma in mè la marturiata
Leva una sumenta nova
Chì assuva li mio solchi
Hè sumenta di rivolta...
Hè sumenta di rivolta...

A Filetta

un'antra, ancu sè un respiranu micca a gioia....

Corsica a nostra Terra
Prestu serai spugliata,
U focu ti strughje in terra,
Si digià meza brusgiata.

Corsu, o lu mo fratellu
Ti mandu una chjama:
Fanne piantà lu macellu
Chi sterpa la Terra amata.

Salvemu i nostri lochi,
Ci vole à piantà i fochi,
Chi dannu à la natura
O cusi brutta figura.

Strumentu di ditribuzione
AZnghjulu di lu spaventu,
Porti a maledizione
E ci dai tantu turmentu.

U focu hè un nemicu
Uguale à l'invasore
Sintite cio ch'o vi dicu,
Ne porta un grande terrore.

Inseme ci vole à luttà
Di manera urganizata,
U focu ci vole à piantà
In Corsica tanta amata.

Pè chi nostra natura
Sempre sia una billezza ?
Ch'ella appia sempre figura
D'una bella principessa.