heeuuuuuu !

salute a tutti, mi facciu piace di truvà un altru foru in lingua corsa.
Alora facciu e prisentazione.
Mi chajmu petru , so d' orezza è so ghjuntu Quì per parlà ancu voi di pallo ma sopra tuttu di u sporting.
Un scrivu micca bè u corsu , a pocu a pocu ampargu.
Aghju a pena a vergogna di sbagliami. si pudete currege i sbaglii serebbe bè.

Mi pare chi tu maneghji u corsu bellu bè..ai fattu dè d'affacatti.

cunniscite un situ induve puderebbi truvà eserciziu di traduzzione corsu/francese francese /corsu cu è currezzione?
a parte quellu di "a lingua corsa" un ne cunnoscu micca.

mi pare ch un tipu ha fattu un situ cusi.....una zinzala o un plasmodium.
Di sicuru sara qui fra pocu! e quandu videmu i prugressi di Anna, po esse fieru!
Aspetendu, eccu u ligame di u so situ:
http://membres.multimania.fr/azinzala/sommaire.html

di piu, ci hè u foru di u mo amicu Pampasgiolu si tu voli:
http://foru-corsu.forumactif.com/

è ghjuntu qui l'amicu Petru, soca ch'ellu cunosce diggia u travagliacciu di A Zinzala. Un piu ben fattu è questu qui evviva a cuncurrenza

A ringraziavvi.
U cunnoscu diggia u foru corsu, tutti Ghjorni leghju i suggetti.
Mà Ci hè tuttu u mondu chì si mette a fà i chajmi rispondi.^^
Un aghju micca un bonnu livellu per fà què.
Sino e persone so simpatice.

Sta a sente ô cumpa, u tuttu è di cumincia e sopratuttu un vergugnassi. Tu ti sbaglii? e allora...peghju quelli ch'un fanu nulla.

ai ragio^^, mà aghju a pegura di sbagliammi.
Quandu scriveraghju megliu, mi faraghju piacè.
In prima Aghju à ampara lèssicu ! ^^
Oghje hè nantu à a biancheria.

cumu si dice "une couette"?

umbeh, attachi forte..mi pare una volta, ch'aghju intesu parlà di une piumina ma era micca una "couette" ma piuttostu un capitoghju di piume

nunda un vale un pilone!

petru_orezza a écrit:

A ringraziavvi.
U cunnoscu diggia u foru corsu, tutti Ghjorni leghju i suggetti.
Mà Ci hè tuttu u mondu chì si mette a fà i chajmi rispondi.^^
Un aghju micca un bonnu livellu per fà què.
Sino e persone so simpatice.

un è cusi difficiule di fà (a u scrittu..chi cantandu è altru) un chjam' e risponde.
Per cumincià u megliu è di finisce e so so infrasata per "à".."u".."one"

Di Orezza Petru s' è affacatu
Orezza, bella regione
chi a spessu ci a datu
puesie,canti e canzone

Vedi, so cose chi tu pdi fà..u tuttu è di lampassi

petru_orezza a écrit:

A ringraziavvi.
U cunnoscu diggia u foru corsu, tutti Ghjorni leghju i suggetti.
Mà Ci hè tuttu u mondu chì si mette a fà i chajmi rispondi.^^
Un aghju micca un bonnu livellu per fà què.
Sino e persone so simpatice.

Hè veri ch'elli sò simpatichi !! U più chì mi piace hè Marcu maria !! chì putenza quessu,è chì sensu di a macagna !! un tercanu !!!

Affacati o amicu Orezzincu chì u foru hè fattu per amparà...Ancu Antone si face dui chjam'è rispondi ogni tantu...
Ma dopu si face intazzà in quattr'è trè sette è volta à piattassi quì cù l'amicu Prunelli...Sò dui vasetti

Marcu Maria quellu chi a vintu un sicondu premiu di a rivista "U Scoddu"?
Di sicuru ch'ellu è forte

Mi pare ch'ellu ùn hà mai avutu u sicondu prezzu...Una volta u terzu,quist'annu è annu mi pare ch'ellu avia vintu..Hè veramente una putenza;eiu mi campu lighjendu i so scritti è in più ghjè una putenza per i chjam'è rispondi...

Mi piacerebbe d'esse (montaseca) quant'è ellu !!

...micca cum'è Prunelli chì scrive un missaghju à mese è cum'è a Zinzala chì hè smaritu senza chì l'Americani ùn ebbinu bisognu di fà nunda

u cunnoscu appena stu Prunelli.
face u bellu mà un hè micca tantu forte! ha sempre u so culioli accantu à ellu! è di piu quandu ellu scrive nanta u foru corsu, si sbaglia sempre di data per e feste o l aniversarii! chi baulone! allora cosa ha da scrive d altru nanta u foru corsu?
mà u so "pseudo" hè u nome di un bellu paese mi pare!
Marcu Maria, u cunnoscu appena anch ellu, hè un accanitu di a cultura corsa ellu! cumpra libri,
sempre in muntagna, sta a sente e canzone corse (e solamente corse! ancu u so rispundidore hè una canzona corsa!), ha fattu u foru corsu....
Zinzala hè forte, appena montasega, mà nunda à di vistu u so situ. preferiscu Antone eiu, hè menu pretensiunosu!