Chjachjaratoghju di Bastia
Vous souhaitez réagir à ce message ? Créez un compte en quelques clics ou connectez-vous pour continuer.
Chjachjaratoghju di Bastia


 
AccueilAccueil  PortailPortail  RechercherRechercher  Dernières imagesDernières images  S'enregistrerS'enregistrer  ConnexionConnexion  
Le deal à ne pas rater :
Xiaomi Mi Smart Camera 2K Standard Edition (design compact / support ...
11.39 €
Voir le deal

 

 O Antone t'aspettu !!

Aller en bas 
5 participants
AuteurMessage
Pampasgiolu
Jean-Christophe Debu
Pampasgiolu


Nombre de messages : 3691
Age : 46
Localisation : Infernu tarraniu !!
Date d'inscription : 17/09/2004

O Antone t'aspettu !! Empty
MessageSujet: O Antone t'aspettu !!   O Antone t'aspettu !! EmptySam 22 Mar - 9:36

Mr.Red Mr.Red Mr.Red

Hè ora di u cuncorsu da ride di u Scoddu,è spergu chì quist'annu pudarè difende a to siconda piazza Mr. Green

Eccu u mo scrittu di u 2008:

L'elezzione

Ferraghju, ferraghjettu, cortu è maladettu,cusì dice u pruverbiu... Di solitu,i n paese, trà a chjusura di a cacciamossa è l'apertura di a staghjone di pesca, chì nutrisce tandu e discussione trà i paisani, ci hè pocu rimusciu. Fora di l'accaniti di l'apperitivu duminicale o di i passiunati di scopa,ùn si vede tantu pass'è veni per i carrughji cutrati da l'inguernu.Toccu meziornu, quandu u sole vene à riscaldà appena l'aria pura, qualchì vichjettu a si piglia per u stradò per godesi a bellezza di i lochi muntagnoli. Qualchì volta, u dopu meziornu si ritrovanu à pusà nant'à una muraglietta da sparte una cria dui putachji o altri ricordi di u tempu passatu. A dumenica, u trostu di u fiume chì corre assai dopu à un autornu acquosu pò, à e volte, esse supranatu da u frombu di e vitture di quelli di a cità chì collanu à passà una ghjurnata in casa, da apre appena issi purtelli chjosi da un capu d'annu à l'altru.Tandu u paese pare rivitulitu da i mughji di i zitelli, à chì girendu à bissicletta, à chì ghjuchendu à pallò contru à a porta di un vechju azezu chì ùn sterà tantu à sorte à grugnulà u so addisperu. Ma andate voi à circà e rise è i canti, a gioia di u campà inseme, a fratellenza è e fiure landane tant'è tante volte ammintate da l'anziani; u paese hè ingutuppatu ind'un velu di silenziu chì spicca a ghjente, ognunu stendusine in casa soia, à chjachjarà nant'à a tela o fighjendusi una partita di pallò sia Inglese sia Spagnolu, à u cantu di u focu.

Ma à u caffè di l'Albitri oghje, a ghjente scatulisce chì pare ch'ella ci sia a calamita: vitture ingarate à buzzeffu nant'à un parcheghju diventatu troppu chjucu, facce serie di tutti quelli chì atteppanu sin'à l'entrata, l'addunita hè di prima trinca: Sò tutti quì quelli di u partitellu, chì anu da lampà a so campagna per "ripiglià a merria arrubata à tradimentu cinque anni fà",hè cusì ch'elli a dicenu di sta parte di u paese. Hè vera chì in tempu d'elezzione e parolle ùn sò tante misurate è chì a passione piglia à l'insù ghjà parechji mesi nanzu d'andà à vutà. Chì da quì à pocu ci vulerà à vutà in paese: vutà per un prugrammu? vutà per e vostre idee? Mancu à pinsalla ! Andate voi à circà un prugrammu o un solcu d'idee cumune per addunisce quelli chì sò ghjunti quì; in pulitica ne capiscenu guasi tutti quant'è Cristu inde e tribbiere è a so sola primura ghjè di lampà fora a merressa. Allora u patrone face serve a soia, per una volta dice omu, per dà appena di curagiu à a squadra di l'upposizione chì hà da mette in ballu oghje a so strategia eletturale da cunvince i paisani ch'elli sò capace di fà megliu chì quelli di u partitone: e facce angusciose ritrovanu à pocu à pocu un visu surridente, è cù u ghjocu di u servi è riservi, mettenu ancu à scaccanà pinsendu à a vittoria chì s'avvicina...Per u prugrammu è l'idee aspetteranu un'antra volta...

Nant'à a strada di u paese, vitture è vitturoni sò infilarati à tocca tocca è cust`dinù, l'affare hè di primura; in casa di a merressa sò reuniti quelli di u partitone da priparà a risposta. Custì dinù nasce u parapiglia è tene cù u sgiò Turchini, cumpagnu di a merrezza chì alza a voce è bruntuleghja parolle pocu curtese è piacente contru à tutti quelli chì ùn sò d'accunsentu cù ellu; ch'elli sianu di u partitellu o di u partitone d'altronde; basta solu à scumudallu appena per vedelu affaccassi prontu à lampavvi una capata o un pattone da favvi vultulà u capu. À chì tasta ùn ci torna è certi in paese anu ghjà liccatu... Oghje hè arrabbiatu più chè mai è tene ind'è so mani una foglia chì pare esse una dichjarazione di guerra;nè cuntravenzione nè foglia d'impositi,nè lettera cù parolle gattive nemancu ma solu una lista di quelli chì u partitellu vulerebbe lampà fora ! hè cusì ch'ellu dice tandu,"ci volenu lampà fora di u nostru paese" ! Ohimè li brutti ! A dilla franca,u fattu sarebbe solu di lascià vutà a ghjente chì campà quì,chì cunnosce e sciagure di u paese d'inguernu,cù e strade chjose à quandu da u cotru è a neve,à quandu da una falanga di terra chì v'impedisce d'entre ind'è voi dopu à una ghjurnata stantata à u scagnu...L'elezzione si ghjoca nant'à l'elettori salvati o cancellati di e liste eletturale, micca nant'à a capacità di cunvice l'altri di fà una scelta avendu un sguardu chjaru nant'à e pruposte di ognunu di i candidati. Allora pruvemu à fà vutà tutta a famiglia, ancu quelli ch'ùn venenu più chè d'estate dipoi più di quarant'anni, ancu quelli chì ùn anu più vistu u campanile di a ghjesa dipoi decine di verani è chì aspettanu d'esse ind'una cascia per avvicinassi da veru.

In casa di a famiglia Bernard, in cima di u paese o guasi, a lista eletturale entre dinù in tutte e discussione sta sera, chì a merressa hà ricusatu di matriculà parechji "di i soi"; chì in tempu d'elezzione ùn si ricunnosce micca "i soi" riguardu à l'amicizia è u rispettu ma piuttostu per via di a capacità di lampà o micca una lista secca. Quelli di u partitellu sò stati offesi da a decisione tiranica di Maddi, a merressa,è ancu i più bravi è civili cum'è u prufissore Allegrini mettenu à scimisce è à perde l'usu di u galateu è di a curtesia. Ognunu tira l'acqua à u so mulinu, è in tempu d'elezzione i cerbelli si mettenu tutti à paru, fendu chì nimu in stu cumbugliu ùn hè più capace d'appacià a ghjente arrabbiata. Eppo ùn serà micca u vechju Bernard à raghjunà a ghjente, chì cum'è u sgiò Turchini, pare più un orsu famitu lampatu ind'un spitaculu di ballerini chè un prete à l'altare, hè sempre à lampà ghjasteme à chì ùn hè d'accunsentu cù ellu; face chì i dui chì si tenenu in odiu puderebbinu ancu esse cum'è a madia è u cuperchju... Da tantu ch'elli s'assumiglianu, puderebbinu ancu esse picci ma ùn andate micca à dilli una cosa cusì chì vi fariste ammazzà in quattr'è trè sette; ognunu essendu sicuru d'esse u prifettu di u paese, per ùn dì u Rè…

U rimusciu era grande in a Vulpaiola dipoi l'epupea di a cacciamossa;quandu di sittembre un cignalone avia messu u cumbugliu ind'u paese sanu.Un cignale maiò chì facia tandu scimisce ghjà a ghjente di sti lochi,chì s'era guasi impicciata per pudè chjappà u mostru...mentre ch'ellu durmia,mansu è techju di castagne è dulciume ind'un locu sicretu tenutu da i sguaiuffi di u paese.
A sturiaccia di e "radiations" avia fattu nasce una nova psicosi indè u paese sanu! Ognunu aspettava a lettera mandata da u tribunale, ognunu si malfidava di l'altru; ognunu s'approntava dinù à ricusà u "recommandé", soprattuttu quelli chì ùn campavanu micca in paese è chì si pudianu fà intrappulà s'elli accetavanu a lettera; a prova sarebbe fatta ch'elli ùn anu micca u dirittu di vutà in paese. Poca dura a vita di u pidone in stu mese di ferraghju; à quandu insultatu, à quandu minatu è lampatu fora! eranu ricevuti cum’è ghjacari in ghjesa ! da tantu ch'elli n'avianu una techja, s'eranu tutti messi in greva in Corsica, chì era diventatu periculosu u mistieru di fattore ind'è noi in tempu d’elezzione!

S'affacca l'ultima settimana è eccu vinuta l'ora di i "meeting" ! chì ci vole à fà capì à quellu chì ne dubiterebbe chì u paese sanu sanu sustene a merrezza,è ancu aldilà ,a Corsica sana...A squadra municipale hà appruntatu un apperitivu maiò,cù robba da beie è da manghjà;è u cunsigliu generale stessu hè cullà à tuccà un bichjeru per porghje aiutu à u partitone.Ma in l'uppusizione ùn si volenu lascià piglià a suprana è face affaccà u lindumane u senatore Pasqua ind'è l'Albitri,da pichjà un colpu tamantu ind'u spiritu di i poveri paisani assaltati da i media naziunali è ancu...internaziunali quand'è u presidente di a Republica vene à appughjà a candidatura di a merrezza:passanu in furia dui elicotteri,toccanu terra piazza di a ghjesgia,ed eccu chì l'omu u più putente di u paese si cansa una stundarella da pigliassi dui bichjeri di vinu...pò trè,pò quattru...A capu à un oretta,flicchi,giandarmi,ministri è paisani aduniti,mettenu à impaghjellà è impruvisà cù cunsigli municipali à l'incantu:u presidente stessu ùn pò più ritene a so voglia di puetà à mette à cantà:

S'è sò ghjuntu in stu paese
Un hè micca per cantà
Queste cose sò diffese
Amici lasciatem'andà
Ch'aghju à fammi duie spese
In Piazza San Niculà ...

Hè vera chì in Bastia l'aspettava u so amicu Scruccarelli è ùn lu pudìa più fà aspittà :l'elezzione sò cose serie ind'è noi,ognunu a sa.Ma i sciuffori eranu briachi à tappu è ùn pudianu più cunduce l'eliccotteri.Dopu à una stonda à circà una suluzione per fassi purtà in vittura ò à cavallu à u sumere,u presidente pigliò a decisione di stassine in paese.A ghjente accumpulata in giru à u comptoir cuntinueghja à festighjà,cum'è tempi fà,cù allegria è canti in ogni scornu.U tazzu tamantu attira à pocu à pocu i paisani di u contra-partitu;s'avvicinanu unu apressu à l'altru è u ritimu di u viulinu chì sona oramai i chjama à ballà anch'elli...Scalanu tutti in salla di e feste è mettenu à fà festa è beie,cumu s'ellu ùn fussi ne elezzione ne tensione tra di elli.Cù u vinu è u whisky,s’eranu tutti scurdati di e radiazione,di i pidoni marturiati,di e capate spartute piazza di u Corsu...
A ghjente,acciaccata da u vinu è intrunatu da u sonu di i strumenti è di i canti,mettenu à sminticassi di tutti st’amarezze passate è ognunu mette à riparlà cù l'altri.Sò miraculi a vi dicu ! i paisani tutti quanti parenu di rituvà u piacè d'esse inseme è mettenu à rincresce tutte ste sturiaccie ch'avianu spiccatu u paese in dui partiti guasi nemici...Sò tutti cuntenti è felici di ritruvassi è a decisione hè pigliata assai prestu di fà una lista cumuna à prò di u paese ! Sò finiti li castichi è e lotte tra paisani !

Sò tutti d'accunsentu ò guasi chì dipoi un oretta s'eranu scantati una manata d’omi è donne chì parianu assai scuntenti :sò i naziunalisti di u paese chì discorrenu daretu à a ghjesgia,à l’affurtu,pruvendu di stassine à l’appiatu ma senza esse discreti da tantu ch’elli parlanu à l’allera.S'eranu alluntanati chì per elli l'affare eranu avà in Francese ! L'affacata di u presidente di a Republica in paese è a manera di ricevelu da a merrezza era un'offesa di più fatta à u populu Corsu ;populu nigatu nant’à a so terra,privu di i so diritti è avà ghjucatu à a risa da un presidente chì mettia à impruvisà.Ci vulia à reagì è a cambià e cose ,ci vulia à resistà! Un Populu ùn pudia accittà tamanta dichjarazione di guerra ! Ghjè cusi chì i naziunalisti di u partitellu è di u partitone eranu avà di cumbriccula per fà una nova lista d'uppusizione municipale…a campagna pudia ricumincià !!
Revenir en haut Aller en bas
http://www.camperemu.com
Antone
Administrateur
Administrateur
Antone


Nombre de messages : 21049
Age : 66
Date d'inscription : 02/09/2004

O Antone t'aspettu !! Empty
MessageSujet: Re: O Antone t'aspettu !!   O Antone t'aspettu !! EmptyLun 24 Mar - 18:06

un t'inchieta..ben chi l'affaru sia bell'accunciata per fàmi perde, scriveraghju quantunque qualcosa
Revenir en haut Aller en bas
http://membres.multimania.fr/azinzala/
Antone
Administrateur
Administrateur
Antone


Nombre de messages : 21049
Age : 66
Date d'inscription : 02/09/2004

O Antone t'aspettu !! Empty
MessageSujet: Re: O Antone t'aspettu !!   O Antone t'aspettu !! EmptySam 29 Mar - 19:31

Wink u meiu è prontu..
un seraghju tantu a sciacalu qui.
U toiu è ben fattu di sicuru, ma s'ellu ci è u "piston" abituale, quist'annu tocca a mè di vince Wink
Revenir en haut Aller en bas
http://membres.multimania.fr/azinzala/
Antone
Administrateur
Administrateur
Antone


Nombre de messages : 21049
Age : 66
Date d'inscription : 02/09/2004

O Antone t'aspettu !! Empty
MessageSujet: Re: O Antone t'aspettu !!   O Antone t'aspettu !! EmptyJeu 3 Avr - 14:39

Ava ch’elli so scorsi l’anni, mi pare chi vi possu cuntà perche, un ci è piu una partita di pallo u quindeci d’aostu tra i paesi di San Tumasgiu e di San Petru. Oh, di sicuru, un so micca quessi i veri nomi. Ma, saperete chi, tornu ogni tantu in questa pieve et un vogliu riceve qualchi bastunate per avè lampatu in piazza, storie un pocu vergugnose chi i vechji vulerianu sminticà. E cume sti vechji so sempre pronti a falle falà, parlaremu, si vo vulete di San Tumasgiu e di San Petru.
Oghje, so duie borghi addrumintati ma a l’epica, eranu pupulati e bell’attivi. Ognunu avia a so chjesa e u so prete. A vi dicu, chi stu puntu è impurtante per cio chi a da vene.
Dunque, u quindeci d’aostu per l’ " Assunta Gloriosa ", ci era a messa di sicuru, e un bellu pranzu e dopu, quandu u caldu era menu forte, versu cinq’ore, una partita tra e squadre di San Petru et San Tumasgiu. Duie o tre ghjorni nanzu, smachjavanu un tarrenu indé un locu situatu a pocu pressu tra i duie paesi. Perche u pallo ? Umbeh, mi pare chi i a reputazione di Sansonetti e di tant’altri ne avia fattu nasce u gustu. Ma era sopra tuttu un manera di sorte in famiglia, di finisce a festa a l’infora e, l’avete capitu, l’assicurenza per quelli ch’avianu da vince di pudè macagna quelli ch’avianu persu. E quessi qui, aspettavanu a so rivincita e tuttu era d’incantu ! Di bellu ghjocu un si ne parlava. U pallo era piu spessu fora chi nentru e quandu ci era qualchi bellu colpu, era piu l’azardu chi a tecnica. E cume, i ghjucadori eranu piu sgalabati l’unu chi l’altru, i " scopi " per un di " les buts ", eranu numarosi e quandu unu marcava, tuccava a l’altru di risponde subitu. Un chjama risponde incu un pallo ! Cusi l’onore era salvu e fistosu l’umore.
Iè ma..l’annu nanzu l’affaru chi vi vogliu spiegà, e cose si n’eranu andatu di male. A squadra di San Tumasgiu s’era prisintata incu un novu ghjucadore. A figliola di Battista, maritata in cuntinente, s’era affacata in paese per e vacanze chi vulia prisintà u so maritu a a famiglia. E u ghjovanu, ellu u pallo, un manighjava. Di sicuru, l’avianu subitu pigliatu in squadra quante un’arma sicreta.
I Sanpetracci un n’eranu tantu statu da capisce. U merlachjone si tenia a mezzu tarrenu, aspittandu u pallo e appena ricossu, avia corsu sin’ e gabbie di San Petru, schivandu l’unu, evitandu l’altru, squassandu u terzu ..per marcà u primu puntu. U tintu bardianu chi si chjamava Ghjuvan Battista, mancu un n’avia scusicatu. U pullastru cuntinentale curria cusi prestu ch’ellu paria a palla di u fucile e cambiava di direzzione quante un cane chi cerca da parà i calci.
Una mezz’ora scorsa, u spusatu ne avia sciaccatu quattru, tutti listessi. I tinti Sanpetracci eranu sfundati e ci vole da dilla, puru umiliati. E macagne crudele si sentianu. Appuntavanu l’anche ma l’altru, veru fullettu, saltava quante un caprettu. " Incitatelu ! " mughjavanu l’arrabiati di San Petru, fatelu cascà, aio semu a a risa….Ma un ci era nulla da fà. U tipu senza capisce ch’ellu pigliava belli risichi cuntinuava a fali scimisce. Pocu nanzu u mezzu-tempu, torna un puntu ! Ghjuvan Battista era surtitu di a gabbia quante un scemu, l’anche aperte chi parianu furbici per taglialu ma stu diavulu di ghjucatore l’avia schivatu una volta di piu. Avia fattu passà u pallo tra l’anche di u so adversariu e in vece di stà zittu, avia mughjatu in francese " Petit pont ! !".. Pare ch’ellu seria cusi ch’omu chjama stu colpu particulare.. Ma..Ghjuvan Battista u francese u capia a pocu pressu quante lu capia u pallo. Puru male ! I spettatori l’avianu intesu mughjà " m’a trattatu di petit con " prima ch’ellu saltessi nant’a lu tintu disgraziatu per sciaccali una frambata di ligenda.
L’azzufu era statu generale chi i San Tumasginchi s’eranu subitu affacati per aiutà. Di sicuru i San Petracci un l’avianu lasciati fà chi eranu puru nervosi .L’arbitriu, prim’adjuntu mi pare, chi vulia fà u paceru s’era fattu tribbià anch’ellu e tutti, ome e donni, vechji i zitelli s’eranu techjati di colpi, di schiaffi, pilatoghje e altri calci. A partita s’era arristata subitu ma tra i duie paesi, l’ambiante era divintuta puzzicosa.
I ghjorni, settimane e mesi dopu, ogni volta chi l’unu o l’altru si truvavanu, una macagna di troppu, una parullaccia e torna a Vignale..baruffa. U peghju era per stu tintu Ghjuvan Battista, v’arricurdate u bardianu, ch’un pudia vede un Sanpetracciu senza sentesi dumandà, s’ellu era passatu per u " petit pont ". In francese, incu l’accentu pinzutu ! Un girava piu u cantone e un parlava chi di vindetta. Vindetta ! A partita da vene, prumittia di esse sanguinosa.
Pochi ghjorni nanzu quella rivincita, i duie prete, Prete Ghjuliu di San Petru e Prete Marcu Maria di San Tumasgiu s’eranu pigliatu apputamentu. D’accusentu per una cosa..ci vulia ch’ella tornessi a pace. Prete Ghjuliu s’avia pinsatu una cosa . Spieco a u son cumpare chi per impedisce l’inciuffate, tuccava a ellu di arbitrà. A ghjente un osaria mai proferi ghjastemi, cumincià qualch’intuppu in presenza di un prete e sopra tuttu, un cuntestarianu mai e so sintenze, a ellu chi riprinsitava quantunque u Signore nant’a sta terra.
Prete Marcu Maria era d’accusentu ma e regule di u pallo un ne cuniscia manc’una acca. Un face nulla, ô cumpa, li rispundo tandu Prete Ghjuliu. U to sacristanu, stu bravu Pasquale, ellu i cunosce e regule, chi a ghjucatu a u pallo quand’ellu era a u liceu in Bastia. Eppo sera vicinu da u tarrenu mentre a partita. Basta, chi quandu un sai micca cio chi tu ai da fà, chi tu pesi u ditu cume si tu dumandava l’avisu di Diu, e a tempu fighjularè prestu prestu a Pasquale, chi ellu ti fara capisce incu lu manu, a dicisione ghjusta ch’ellu ci vola da piglià. Quale a da criticà u ghjudiziu divinu ?
U quindeci d’aostu, incu un silenziu pisante, e duie squadre s’eranu prisintate. U cuntinentale s’era fattu scusà. Una scruchjetta assai diplumatica, diceremu. E squadre belle nervose avianu cuminciatu a partita, per un di u scontru, appuntandu piu vulinteri i schinchi chi u pallo. Subitu, Prete Marcu Maria avia adupratu a tecnica spiegata per Prete Ghjuliu. Faccia nice d’invucà u celu ma agguardava di sottu u sacristanu chi, discretamente, li facia vede u veru culpevule e li sussurava a decizione. L’arbitru, dunque, un si sbagliava mai o pocu.
Ma, i San Tumasginchi, un ci vole micca a pigliali per scemi. A sapianu bè, chi u so prete, a u pallo u ci cuniscia nulla. Avianu capitu bellu prestu chi l’arbitru un era micca in celu, ma indè u so gruppu. S’eranu tandu avvicinati di u tintu sacristanu e li avianu fattu capisce incu belle pittughjate induve si truvava u so interessu. Pasquale, di Corneille u scrivanu francese un ne avia mai intesu parlà. A curnachja era per ellu st’acellu neru chi vola in banda a sera vicinu a a petra di l’Arimone. Ma, a so scelta corneliana, si omu si po di, fu prestu fatta. Tra una concia e e regule, un ci era tantu da scumbatte. E cusi, a sapete ch’ellu si torce spessu u nasu di a ghjustizia. E pianu, pianu, l’arbitratu di u Prete era divintutu assai urientatu. Pudianu fà cio ch’elli vulianu i San Tumasginchi, Prete Marcu Maria pisava u ditu e li dava sempre raggio ! I Sanpetracci eranu casticati quand’elli minavanu ma dino quandu li ricivianu. E piu viaghjava l’affaru, piu ne pigliavanu.
Prete Ghjuliu un cuniscia nulla a e regule ma ancu un cecu si seria avvistu chi l’inghjustizia s’era impatrunita di a partita. Era ancu impauritu in veru chi st’inghjustizia si pigliava a forma uffiziale di un decretu divinu annunciatu da un prete !
L’abitanti di i duie paesi anu tandu vistu una cosa incredibile ! Un prete saltandu in furia nant’a u tarrenu, agguantandu un altru prete per techjalu di colpi mughjandu a tempu " ti ne era rimessu a Diu e ava se in manu di Satanassu ! ! " L’altru ch’un pudia capisce ch’avia sempre seguitatu i cunsigli di u sacristanu, un s’era micca lasciatu fà. I duie prete si vultulavanu, cimicandusi, fragandusi..basta..un azzuffu di quelli. Vergugnosi, i paesani l’avianu, in fattu fine, separati et ognunu era turnatu in casa soia..a a mutesca.

Ninsunu un vulia piu sente parlà di st’affaru ch’un seria surtitu di u cantone ma Prete Ghjuliu, sicuru di qualchi colpu di u diavulu, si n’era falatu in Aiacciu per dumandà a u sgio Vescu ch’ellu sia fattu un scunghjuramentu per u so cumpare. Monsignore X, amparatu dopu une inchiestra, avia allora pruibitu chi u pallo, strumentu di discordia, sia torna praticatu in questa regione. Avia dino ordinatu a i duie preti di fà penitenza e di racunciassi. Ma a verita cumanda e so obligati di di chi, u si so piu parlatu sin’a so morte.
Revenir en haut Aller en bas
http://membres.multimania.fr/azinzala/
Mosquito
Musher
Musher
Mosquito


Nombre de messages : 1873
Age : 126
Localisation : tout en haut
Date d'inscription : 29/09/2004

O Antone t'aspettu !! Empty
MessageSujet: Re: O Antone t'aspettu !!   O Antone t'aspettu !! EmptyJeu 3 Avr - 17:42

site troppu forti!
O Antone t'aspettu !! Applaudissements03
Revenir en haut Aller en bas
Pampasgiolu
Jean-Christophe Debu
Pampasgiolu


Nombre de messages : 3691
Age : 46
Localisation : Infernu tarraniu !!
Date d'inscription : 17/09/2004

O Antone t'aspettu !! Empty
MessageSujet: Re: O Antone t'aspettu !!   O Antone t'aspettu !! EmptyVen 4 Avr - 11:46

Ai tralasciatu u foru ma u talentu hè sempre quì !!

Vocu à metteci quellu scrittu magnificu da ch'ognunu possi leghje cheers
Revenir en haut Aller en bas
http://www.camperemu.com
anna
Dan Petersen



Nombre de messages : 72
Date d'inscription : 10/02/2008

O Antone t'aspettu !! Empty
MessageSujet: Re: O Antone t'aspettu !!   O Antone t'aspettu !! EmptyDim 6 Avr - 8:31

Antone a écrit:
Ava ch’elli so scorsi l’anni, (...) sin’a so morte.

Laughing oramai, mi sfideraghju si si parla di "petit pont !". Tocca à mè à mandatti un thumright ! Very Happy
Revenir en haut Aller en bas
Speranza
Reynald Pedros
Speranza


Nombre de messages : 1673
Date d'inscription : 12/01/2007

O Antone t'aspettu !! Empty
MessageSujet: Re: O Antone t'aspettu !!   O Antone t'aspettu !! EmptyLun 7 Avr - 7:47

Tantu talentu scunnisciutu, oramai é tempu di fà un librellu.
Revenir en haut Aller en bas
Antone
Administrateur
Administrateur
Antone


Nombre de messages : 21049
Age : 66
Date d'inscription : 02/09/2004

O Antone t'aspettu !! Empty
MessageSujet: Re: O Antone t'aspettu !!   O Antone t'aspettu !! EmptyLun 7 Avr - 8:03

S'omu piglia tuttu cio chi è statu scrittu da l'unu e da l'altru per sti forum, u libru sera perstu fattu.
Revenir en haut Aller en bas
http://membres.multimania.fr/azinzala/
Antone
Administrateur
Administrateur
Antone


Nombre de messages : 21049
Age : 66
Date d'inscription : 02/09/2004

O Antone t'aspettu !! Empty
MessageSujet: Re: O Antone t'aspettu !!   O Antone t'aspettu !! EmptyDim 27 Avr - 9:15

Pampasgiolu a écrit:
Mr.Red Mr.Red Mr.Red

Hè ora di u cuncorsu da ride di u Scoddu,è spergu chì quist'annu pudarè difende a to siconda piazza Mr. Green

......!!


fiscu
Revenir en haut Aller en bas
http://membres.multimania.fr/azinzala/
anna
Dan Petersen



Nombre de messages : 72
Date d'inscription : 10/02/2008

O Antone t'aspettu !! Empty
MessageSujet: Re: O Antone t'aspettu !!   O Antone t'aspettu !! EmptyDim 27 Avr - 16:51

cheers cheers Bravu à tè, o Anto, sè u silent !
Revenir en haut Aller en bas
Pampasgiolu
Jean-Christophe Debu
Pampasgiolu


Nombre de messages : 3691
Age : 46
Localisation : Infernu tarraniu !!
Date d'inscription : 17/09/2004

O Antone t'aspettu !! Empty
MessageSujet: Re: O Antone t'aspettu !!   O Antone t'aspettu !! EmptyDim 27 Avr - 18:50

Antone a écrit:
Pampasgiolu a écrit:
Mr.Red Mr.Red Mr.Red

Hè ora di u cuncorsu da ride di u Scoddu,è spergu chì quist'annu pudarè difende a to siconda piazza Mr. Green

......!!


fiscu

Ai fattu megliu chè difende a to siconda piazza o vechjò...Feremu i conti per u 2009 dtc dtc dtc

http://foru-corsu.forumactif.com/lingua-cultura-musica-f1/cuncursu-di-scritti-da-rida-di-a-rivista-u-scoddu-t572-60.htm
Revenir en haut Aller en bas
http://www.camperemu.com
Antone
Administrateur
Administrateur
Antone


Nombre de messages : 21049
Age : 66
Date d'inscription : 02/09/2004

O Antone t'aspettu !! Empty
MessageSujet: Re: O Antone t'aspettu !!   O Antone t'aspettu !! EmptyDim 27 Avr - 19:05

buzz aghju u titulu per un annu..
e aghju rispostu què a quella chi m'a dettu ch'avia vintu
Citation :
Tamantu piacè!!
Pecatu chi so cusi luntanu chi me seria affacatu cusi vulinteri.
E quist'annu, tocc'a mè di macagnà l'amicu Batti Albertini.
Amicizie paesane
Antone A..............
Revenir en haut Aller en bas
http://membres.multimania.fr/azinzala/
Pampasgiolu
Jean-Christophe Debu
Pampasgiolu


Nombre de messages : 3691
Age : 46
Localisation : Infernu tarraniu !!
Date d'inscription : 17/09/2004

O Antone t'aspettu !! Empty
MessageSujet: Re: O Antone t'aspettu !!   O Antone t'aspettu !! EmptyDim 27 Avr - 19:45

Avà mi poi macagnà per un annu,ma truveraghju un altru cuncorsu per lampà una sfida à u mo prufessore di Corsu via Internet Wink
Revenir en haut Aller en bas
http://www.camperemu.com
Mosquito
Musher
Musher
Mosquito


Nombre de messages : 1873
Age : 126
Localisation : tout en haut
Date d'inscription : 29/09/2004

O Antone t'aspettu !! Empty
MessageSujet: Re: O Antone t'aspettu !!   O Antone t'aspettu !! EmptyDim 27 Avr - 20:41

primu e terzu, bravu !
thumleft
Revenir en haut Aller en bas
Contenu sponsorisé





O Antone t'aspettu !! Empty
MessageSujet: Re: O Antone t'aspettu !!   O Antone t'aspettu !! Empty

Revenir en haut Aller en bas
 
O Antone t'aspettu !!
Revenir en haut 
Page 1 sur 1

Permission de ce forum:Vous ne pouvez pas répondre aux sujets dans ce forum
Chjachjaratoghju di Bastia :: Macagna, pallo e lingua corsa!! :: Lingua corsa-
Sauter vers: