A Santa di u Niolu

adecec.fr a écrit:

L’edizione 2007 di a Santa di Niolu chì si ferà venneri u 7, sabbatu l’8 è dumenica u 9 di settembre in Casamacciuli prumette stonde di tradizione è di mudernità eppo assai emuzione. St’evenimentu mostra ogni annu a ricchezza è e putenzialità di l’alta valle di u Golu è, aldilà, di u spaziu muntagnolu isulanu.

A Santa ghjè capunanzu un appuntamentu religiosu chì face ghjunghje numerosi pelegrini di l’isula sana, l’8 di settembre à 10 ore, pè celebrà a Vergine Maria durante a messa è assiste à a Granitula. Ghjè dinù una fiera induve si pò spassighjà è scopre i panconi di l’artigianatu corsu, l’animali di razza corsa, participà à numerose animazioni o à cuncerti eccezziunali. D’altrò, u 7 di settembre à 3 ore, ci serà un dibattitu trà istituziunali, sindicati è socioprufessiunali nant’à a prublematica di e « cundizioni di stallazione è di sviluppu di u pasturalismu in muntagna »

Infine, ci vole à sapè chì evenimenti culturali sò previsti : cuncerti di i Chjami Aghjalesi, Patrizia Gattaceca, Diana di l’Alba, scontri di pueti ingiru à i Chjam’è Rispondi, presentazione di i travagli di scavi archeologichi in a valle di Niolu da Ghjuvan Filippu Antolini...

Ci ne c'hanu da cullà per unu di mumenti culturali i più famosi di l'annu ?

St'annu eiu un puderaghju micca Ma a dillà franca, u più chi mi manca hè d'ùn pude andà quassù per tichjassi

Ci seraghju dumane per i chjam'è risponde è a serata cù Diana di l'Alba

Eppò dumenica,s'è u tempu hè bellu anderaghju à ciuttà appena in Muricciolu nanzu di cullà nant'à u campu di fiera da cumprà robba nustrale

Ci campemu quassù

ma u peghju hè di cullà, pocu casticu

Basta à sapè chì per a Santa ùn si pò cullà in furia...Un dischettu di a Filetta ind'è a vittura è viaghja puru tranquillu

Pigliammi un furmagliu puzzicosu m'hai capitu, chi dopu mi lu mandi pè a posta

L'aghju vistu avà u to missaghju

E avà chi quant'à mè ne aghju a rivende