Eccu u me novu testu , quissu qui l'aghju cuncepitu cumu un viaghju ...l'idea , saristi u viaghju spirituali , chi ti faci fà a to musa , nantu " u chjassu di u puetà " pà ghjunghja a la perfezioni puetica .
A MUSA DI U ME ESSA
Aghju spechjatu a me menti
In l’acqua di una surghjenti
Pà pudè cunnoscia a musa
Ch’in lu me cori hè rinchjusa
Trà u trimuleghju di l’onda
C’era issa donna vagabonda
Tali un riflessu luntanu
Mi faci segnu cù la manu
Hè a musa di u me essa
A magnifica principessa
Chì mi voli muscià a via
Di la più bedda puesia
A suvetu in l’oscurità
Di u chjassu di u puetà
Trà la fedi è u timori
Hè par me u solu albori
L’accarezzu un mumentu
Cumu a pioghja trà lu ventu
Annacquendu tutti liversi
Ch’in u me capu si so persi
Presu d’un mumentu d’orgogliu
Pidd’un penna hè un fogliu
Pà annigrì li me penseri
Di furtuni è d’addisperi
Dipinghjendu issa criatura
Fatta di rima è cultura
Chi farà parti a l’eternu
Di a me vita u quadernuU PASTORI BUNIFAZINCUAVÀ SI PO LASCIÀ CUMMENTI
senza essa cunnisciuti dà google
lampeti puri i vosci impressioni