Chjama e rispondi in Pigna.

http://www.camperemu.com/Foru/viewtopic.php?t=1951

Forse videraghju Ghjattu

Quandu é? A chi ora. Fara una bella spassighjata e "surtita" per a me moglia e me.

U 27 di Dicembre à partesi di 19 ore..

Camperemu a écrit:

Nantu à i chjassi di u chjami è rispondi

O lu meiu lu destinu
Quant'ellu hè trist'è mischinu
Di strufati e di rima
Un aghju sutt'una cria
Ghjè chi mammà puesia
Di a me musa un feci fama

Elli un so i trè maggi chi un so carchi ad offerti
Ma pueta di l'improsa hé certa so è,
In sta notta di dicembri,
Sottu à centu mila stelli arrochjanu ver di Pigna
Indu nasci u chjami e rispondi

Hé avali una tradizioni,lina e puracom'è u celi di BALAGNA,quandu a mamma di i venti spazza i nobili aliveti.
Ogni annu,l'ultimu sabatu di dicembri,s'adunisci in PIGNA u fiori di i pueta d'improsa.
So cusi strufati e rimi ch'ellu sgrana u ruloghju di sta nuttata.Fini à l'alba,senza mai rifiatà,a parolla salta,ribomba,scherza,mordi,alliscia,si faci putenti,persuasiva,sapienti,surpresa,stunata...



A ghjenti prisenti-è i musi sani quant'ella hè sempri numarosa-entri in cumunioni.Un hè solu un ascoltu ma un fiumu chi corri,una leia magica tra impruvisatori è publicu.I passiunati a cunnoscini a persunalità d'ognunu di i pueta.A sani quillu chi ghjuntu à un puntu di pugnitura ha da fà da paceru;quillu chi un la voli dalla vinta e chi insistarà dinu.

E in l'aghja puetica,i baroni tribbiani è pulanii rimi,è avanzani,è accatasteghjani strufati;a creda chi una micanica,una viola antica sbuccineghjaversi,mai stanca.
U miraculu sempri rinatu faci chi,veni un mumentu indu ognunu,in u publicu,si senti pueta è,""d'un essa à meza paglia si senti com'è spugliatu"".""Pocu ci manca,ch'ellu un si lampessi in l'aghja"".

E,com'è in la muretta à l'assecu,a parolla scola,si poni liata da a rima,scagliola chi assicura a strofa.
A forza maio di u pueta di l'improsu ghjè ""l'allianza ch'ellu ha fattu",cu a lingua di u so populu,a putenza di l'uralità.Chi u restu un hè chi pagina bianca.



Scrittu da Lisandru BASSANI per l'AUDITORIUM DI PIGNA

Foutu
Ghje in mezzu di a settimana
A me moglia travaglia

Pensu chi leghji u corsu a pena megliu cà eiu...

Citation :

Fini à l'alba,senza mai rifiatà,a parolla salta,ribomba,scherza,mordi,alliscia,si faci putenti,persuasiva,sapienti,surpresa,stunata...