Di u Labrador cusi luntanu,
So pertutu tant’anni fa..
E mi vene tamant’affanu
Chi ci aghju lasciatu u benistà.
Eranu meie e muntagne
U cotru e a neve bianca
Quandu pensu a ste cuccagne
A mo anima è puru stanca
M’anu chjosu in cacciafora
E di surtite un si ne parla
A mo vita si ne va in malora
E un ci è piu nimu chi c’ingarla
Ognitantu un omu vicinu
Vene a fà u nostru ritrattu
Dice chi campemu a purcinu
Quand’ellu vede cio ch’emu fattu
Ci ai lampatu in piazza
E aruvinatu a nostra riputazione
Ma un è astiosa a nostra razza
E li vogliu dà a soluzione
O testimoniu di u nostru destinu
Di sta vitaccia chi si perde
Ti pregu di fà u spazzinu
E di pulisce tutte ste merde