Un ghjornu ch'o circava i funghi sottu à u mo paese caru,mi so avvistu chi mi seguitava un omu...Pian pianinu s'avvicinava,à l'appiatta,e pruvendu d'un esse vistu...
Cusi facia dipoi guasi un ora e mi dispiacia l'andatura di sta spassighjata !!
Eccu chi subitu,fendu nice d'un vedelu,mi scansu in un locu piu altu,nantu à un scogliu e docu un'occhjata à cio ch'ellu face stu scrianzatu !
Figuratevi st'omu chi marchjava nantu à i mo passi dipoi un tempu cusi longu ! Mi venia a stizza !! Ma cosa vulera quellu? quale sera?
Eccu ch'ellu palesa u so visu,bruttu,di traditore chi si vulia buscà i mo lochi di caccia ! Quessi i funghi so mei !aghju pacatu l'impositi à u statu francese per ave u dirittu di caccià inde i mo lochi ! piatti ! piatti? ma avale vecu chi un c'hè piu u rispettu di i lochi piatti per circà i funghi !!
Allora m'inzergu ancu di piu ! So rossi di febbra i mo occhji e un possu piu ritene l'odiu chi mi scappa da ogni locu ! St'omu s'hè pigliatu i mo funghi,seguitendu mi cum'è un canu traditore !!
Socu inghjacaritu in tuttu e avale,aghju da fà qualcosa per fàllu sape chi qui,socu inde me e chi ghjente cum'è ellu un anu nunda fà ind'i mo lochi ! Stu vechju !per quale si pigliera à vene sinu à qui senza dumandàmi u permessu !
Cusi,fermu à l'appiattu una stonda per riflete bè à cio ch'ellu si merita stu traditore ! Ellu chi s'affaca qui,nantu à a mo terra tanta amata per arrubbà i mo funghi
Aspittendu ch'ellu s'avvicinessi di u fiume,principiu una falata in modu discretu sottu à i scopi e l'albitri...Ghjuntu in a so vicinanza senza ch'llu un si n'avvidessi,stocu sempre qui,prontu à fà u male
Ellu pare di circàmmi,e indu u stessu tempu,pare maravigliatu di scopre sti lochi piatti,stu paradisu arrubatu ! E ferma qui,senza riflete,nantu à un elpale à piccu sopra à u fiume...e ghjè cusi chi mi ven l'idea di u mo malfattu !!
Tale quale un lione arrabiatu,tale una volpa,mi stanu di u mo boscu,mughjendu e minacciendulu incu u mo cultellu compru pocu tempu fà à a Santa di u Niolu...
U vechju,impauritu,parte à l'arritrosa senza fà casu à u viotu ! e eccu ! si ne fala,mughjendu cum'è un topu scannatu da i denti pinzuti di un serpu famitu !
M'avvicinu,mi trica di vedelu annicàssi in un pozzu carcu à pesci e anguille...vecu qui stu vechju furdanu ! Avale un si monte piu à seca à scruccà i frutti di a mo passione,i mo funghi d'amore..
T'a u so pettu insangunatu,e ghjà mi pare chi unu di i so bracci,staccatu da a so spalla,si ne va franchendu cun gioa i pozzi suttani...
U so capu,sfracicatu,offre ghjà un pranzu tamantu à una famiglia di granci cullati à passassi a dumenicata in muntagna !!
Mi chi un ochju si move,o cusi bellu stu granciu chi u si porta in casa per i so genitori ! Eccu cumu una famiglia di grancii chi a si muntagnava in pace,si ne rifala incu u so Kayak sinu à u mare,l'ochju scemu di u tradite accantu à i zitelli fieri,e un pezzu di bracciu fracicu appicatu incu una funa....