a leghje

scrittu dopu una settimane nant' e strade corse!!

Citation :

A morte si piglia prima, quelli chi correnu (*).

A tè s’assumigliava. Circa vint’anni. Forse cappellineru e occhji ridancii chi campava indè un bellu paese e chi l’avvene era soiu. A so mamma e u so babbu parianu dino i toi. Fieri di u figliolu e pronti a fà tuttu per ch’ellu sia felice. Una notte, in paese, addurmintati in pace, qualchisia è venutu a pichjà a a porta di a casa.
U babbu è fallatu prima e a capitu subitu vedentu i giandarmi e i vicini. S’è lasciatu cascà nant’è scaline senza pudè parlà e so i mughji scemi di a so moglie chi l’anu, per forza, fattu move. Altrimente, sarebbe statu cusi ore sane, per un pinsà a i ghjorni ch’avianu da vene, senza u so figliolu, incu u ricordu da e stonde sebiate e u dulore a parpetuità. L’accidente, a vitezza, a vittura troppu rapida chi l’avianu rigalata e a corsa incu l’amichi per questa strada stretta sin a un ultimu scogliu. Un corpu dichjavatu e piu nulla. Mucchji brusgiati e una carcassa muta. Bughjime e pena. Troppu bravezza da i genitori è a morte da i zitelli. Eccu, è tuttu cio chi li firmara. Parolle di l’altri un portanu micca cunsolazione. Incu quest’orrore, omu sta solu..
Quantu tempu ci vulera, quantu morti torna, per capisce in fattu fine chi un n’è piu pussivule di perdurà cusi ?
Tutti l’anni, decine di ghjuvanotti, d’omi e donne chi morenu indè noi. Incusà u statu da e strade e troppu faciule. E vera, so cattive e lasciate troppu spessu a l'allera. Ma l’accidente i piu cattivi accadenu nant’i stradoni rapidi e muderni. Altre regione chi si ponu paragunà un prisintanu micca un bilanciu cusi amaru.
Un ghjornu ci vulera accittà d’agguardà di fronte a nostra manera di cunsiderà a vittura. Spiccu di riesciuta, mezzu per sprime a so putenza sotta l’occhji di l’altri, religione di a vitezza e disprezzu maio per e regule di sicurità entese quante pastoghje a a libertà.
Quantu linie bianche passate, quantu trapassamenti risicosi ? Micca sulamente quelli di l’altri ma dino i toi, perche omu è bramosu di ghunghje, chi questu turistu viagghja veramente troppu pianu, perche ci vole a abbacciacà i so amichi, perche omu a betu e si sente u piu forte.
A tè s’assumigliava e un n’è piu, un nome scrittu nantu una petra ghjacciata. Pensa a ellu, pensa a a so famiglia et pensa a l’altri chi tu periculeghji. A to vittura è un’ arma chi ti po tumbà e tumbà quelli chi t’ingiranu. Perde a vita è perde l’avvene e diggia, ne avemu persu troppu.

* Citation de …infrasata di Jean Giono

Cumè ti l aghju dighjà dettu amicu Antone, ti leghje hè sempre un piace, ancu sè st' articulu hè duru mà tantu stridentu di verità....hè difficiule di risponde apressu un articulu cusi!
chi fà per incruccà sta spirale, a gienvutu un ne ha nunda à fà d ammunimenti di i genitori, amici è un ti parlu micca di lege...fanu cumè volenu senza sente....forse ch a ripresione pudera fà qualcosa, mà un so micca sicuru....

chi ne so eiu! Ma aghju avutu a brama di scrive que, dopu u mo viagghju in Corsica chi scemi per ste strade, ne aghju vistu troppu. M'anu arrecata parechje volte a paura, e ti possu di chi un viaghju micca quante a lumaca, chi aghju una vittura putente e abbastanza spurtiva.

Quessa e vera.
Te eri sera so tronatu di Vighjaneddu. Eh be un tipu m'ha francatu in una girata! E sicuru e ghjuntu una vittura da l'altru sensu. Aghju cun rnatu pe dilli ch'ellu era un bellu cuglione.
Dopu l'aghju lasciatu passà ma un vulia piu francà.
E un parlu di i 90 in paesi.
Eu vocu à spessu prestu ma ci so limite, inno